عشق کی عظمت نہ ہرگز جیتے جی کم کیجئے
عشق میں مقصودِ اصلی کو مقدّم کیجئے
شرح و تفصیلات پر یعنی نظر کم کیجئے
ہر طرف بے فائدہ کیوں سعیءِ پیہم کیجئے
تشنگی سے اپنے! پیدا بحرِاعظم کیجئے
عشق کی عظمت نہ ہرگز جیتے جی کم کیجئے
جان دے دیجے، مگر آنکھیں نہ پرنم کیجئے
اپنی ہستی پہ نہ طاری کیجئے کوئی اثر
دُور سے نظارۂِ حُسنِ دوعالم کیجئے
آنسوؤں میں کھینچ لیجے جلوہٴِ حُسنِ ازل
مہر پیدا کیجئے اورغرقِ شبنم کیجئے
بیخودی میں چھیڑ دیجے نغمہ ہائے سازِ دل
پھر اُنہی موجوں پہ خود ہی رقصِ پیہم کیجئے
جگرمُرادآبادی
Comments
Post a Comment