یوم آزادی پر شاعری ، اشعار چودہ اگست 14 کے حوالے سے شاعری

ملا نہیں وطنِ پاک ہم کو تحفے میں
جو لاکھوں دیپ بجھے ہیں تو یہ چراغ جلا

محسن بھوپالی
۔۔۔
بخت سے کوئی شکایت ہے نہ افلاک سے ہے
یہی کیا کم ہے کہ نسبت مجھے اِس خا ک سے ہے
پروین شاکر
۔۔۔۔۔

زلزلوں کی نہ دسترس ہو کبھی
اے وطن تیری استقامت تک
ہم پہ گزریں قیامتیں لیکن
تو سلامت رہے قیامت تک
صہبا اختر

۔۔۔۔
اے خاک وطن تجھ سے میں شرمندہ بہت ہوں
مہنگائی کے موسم میں یہ تہوار پڑا ہے
منور رانا
۔۔۔۔

اے وطن جب بھی سر دشت کوئی پھول کھلا
دیکھ کر تیرے شہیدوں کی نشانی رویا
جعفر طاہر
۔۔۔۔

ہے محبت اس وطن سے اپنی مٹی سے ہمیں
اس لیے اپنا کریں گے جان و تن قربان ہم
نیر اعظم

۔۔۔۔۔۔
وطن کی پاسبانی جان و ایماں سے بھی افضل ہے
میں اپنے ملک کی خاطر کفن بھی ساتھ رکھتا ہوں

نذر الاسلام
۔۔۔۔
اس طرح لڑتے رہے تو ایکتا مٹ جائے گی
دیکھنا یہ دیس ایک دن کھوکھلا رہ جائے گا

ڈاکٹر آرتی