ریاض خیر آبادی

محتسب آیا تو میں خم پر گرا
خم گرا ، مینا گرا ، ساغر گرا
۔۔۔
دھوکے سے پلا دی تھی اسے بھی کوئی دو گھونٹ
پہلے سے بہت نرم ھے واعظ کی زباں اب
۔۔۔۔۔۔
اٹھے کبھی گھبرا کے تو میخانے کو ہو آئے
پی آئے تو پھر بیٹھ گئے یادِ خدا میں

۔۔۔۔
بچ جائے جوانی میں جو دنیا کی ہوا سے
ہوتا ہے فرشتہ کوئی انسان نہیں ہوتا
۔۔۔۔۔۔۔۔۔۔
پاؤں تو ان حسینوں کا چوم لوں ریاضؔ
آج ان کی گالیوں نے بڑا ہی مزا دیا
۔۔۔۔۔۔۔۔۔۔۔۔۔
مے خانے میں مزار ہمارا اگر بنا
دنیا یہی کہے گی کہ جنت میں گھر بنا
۔۔۔۔۔۔۔۔۔۔۔۔۔
مے خانے میں کیوں یاد خدا ہوتی ہے اکثر
مسجد میں تو ذکر مے و مینا نہیں ہوتا