غرور و کذب و ریا کل من علیھا فان
غرور و کذب و ریا کل من علیھا فان
مسلسل ایک ندا کل من علیھا فان
چلی ہے ناو سوئے ساحل۔ مراد مگر
پکارتی ہے ہوا کل من علیھا فان
اسی نے ہم سے کہا عشق مر نہیں سکتا
اسی نے ہم سے کہا کل من علیھا فان
ہمارے نام شجر پر لکھے ہوئے تھے جہاں
وہیں کسی نے لکھا کل من علیھا فان
ہم اہل عشق بھی کمزور پڑ گئے شاید
ہمیں بھی کہنا پڑا کل من علیھا فان
کسی نے ہم سے کہا آنکھ موند کر د دیکھو
ہمیں سنائی دیا کل من علیھا فان
ہمارے گھر کی شکستہ فصیل پر تابش
دیئے کی لو نے لکھا کل من علیھا فان
عباس تابش
Comments
Post a Comment