اسی پرچے میں خبر ہے مری رسوائی کی

اسی پرچے میں خبر ہے مری رسوائی کی

جس میں تصویر چھپی ہے تری انگڑائی کی

کیسے کہہ دوں کہ میں‌لیڈر بھی ہو اور لوٹا بھی

بات تو سچ ہے مگر بات ہے رسوائی کی

میرے افسانے سناتی ہے محلے بھر کو

اک یہی بات ہے اچھی مری ہمسائی کی

دو عدد ویڈیو فلموں میں گزر جاتی ہے

صرف اتنی ہے طوالت شب تنہائی کی

ایسے ملتا ہے چیزیا سے ہیئر بینڈ کا رنگ

جس طرح سوٹ سے میچنگ ہے میری ٹائی کی

(سرفراز شاہد)