ان کی زلفوں میں خم رہ گئے ہیں

کیجیے جو ستم رہ گئے ہیں

جان دینے کو ہم رہ گئے ہیں

بن کے تصویرِ غم رہ گئے ہیں

کھوئےکھوئےسےہم رہ گئےہیں​

دو قدم چل کے راہِ وفا میں

تھک گئے تم کہ ہم رہ گئے ہیں​

بانٹ لیں سب نے آپس میں‌خوشیاں

میرے حصے میں غم رہ گئے ہیں​

اب نہ اٹھنا سرہانے سے میرے

اب تو گنتی کے دم رہ گئے ہیں​

قافلہ چل کے منزل پہ پہنچا

ٹھہروٹھہرو! کہ ہم رہ گئے ہیں​

دیکھ کر ان کےمنگتوں کی غیرت

دنگ اہلِ کرم رہ گئے ہیں​

ان کی ستاریاں کچھ نہ پوچھو

عاصیوں کے بھرم رہ گئے ہیں​

اے صبا ! ایک زحمت ذرا پھر

اُن کی زلفوں میں خم رہ گئے ہیں

کائناتِ جفا و وفا میں

ایک تم ایک ہم رہ گئے ہیں​

آج ساقی پلا شیخ کو بھی

ایک یہ محترم رہ گئے ہیں​

یہ گلی کس کی ہے اللہ اللہ

اٹھتے اٹھتے قدم رہ گئے ہیں​

وہ تو آ کر گئے بھی کبھی کے

دل پہ نقش قدم رہ گئے ہیں​

دل نصیر ان کا تھا ،لے گئے وہ

ہم خدا کی قسم رہ گئے ہیں​

دورِ ماضی کی تصویرِ آخر

اے نصیر ! ایک ہم رہ گئے ہیں

سید نصیر الدین نصیر