فیض ان کے عام ہوگئے

فیض اُن کے عام ہوگئے
دو جہاں غلام ہوگئے

ان کے جو غلام ہوگئے
وقت کے امام ہوگئے

نام لیوا ان کے جو ہوئے
ان کے اونچے نام ہوگئے

واسطہ دیا جو آپ کا
میرے سارے کام ہوگئے

فرش سے وہ جا کے عرش پر
رب سے ہم کلام ہو گئے

جب بلایا آقا نے
خود ہی انتظام ہوگئے

مصطفے کی شان دیکھ کر
بادشاہ غلام ہوگئے

مقتدی ہیں سارے انبیاء
مصطفے امام ہوگئے

مدح خواں ہیں آپ کے خواص
نعت خواں عوام ہوگئے

صف بہ صف کھڑے ہیں سب شہید
اور حسین امام ہوگئے

وقف ِ نعت خوانی اے ریاض
میرے صبح و شام ہوگئے

علامہ ریاض ؔالدین سہروردی