Labels

گھر ونج گیا نئیں

گھر ونج ، گیا نئیں؟
جیا جیا ،جیا نئیں!
میں آکھا، اوہا اے
اے تاں کوئی بیا نئیں
دل کتھے ڈیونڑائیں
تیڈے کولو پیا نئیں
بھاء لگا عشق اے
ورف آلا ٹھیا نئیں
تیڈا ہک یار ہا
کڈاں دا ڈسیا نئیں
جیا سوکھا عشق اے
حالے تیکوں تھیا نئیں
اساں تساں ہوندے آں
دل سنی شیعہ نئیں
جیندا وی او بنڑیں ہُنڑ
ساڈے توں تاں گیا نئیں
لگدا ظہیر اے
ڈیکھ ڈیکھاں ایہا نئیں

محمد ظہیر احمد مہاروی

Labels:

Comments

Post a Comment