اُڑتے اُڑتے یادِ نبیﷺ میں اپنے پَر پھیلاؤں
پنچھی بن كر سانجھ سویرے طیبہ نگریا جاؤں
اُڑتے اُڑتے یادِ نبیﷺ میں اپنے پَر پھیلاؤں
نور كے تَڑكے حمد كے میٹھے میٹھے بول سناؤں
كومل كومل سُروں میں چہكوں،نعت نبیۖ كی گاؤں
گنبدِ سبز كےجلوے ایسے جیسے نور كے دھارے
كردیں دُور اندھیرا دل كا نورانی لشكارے
پیارے نبیﷺ كا دیس ہے پیارا ٹھنڈی ٹھار ہوائیں
اُس كی یادیں خوشبو بن كر نَس نَس میں لہرائیں
ِجِھلمل جِھلمل كرتی آنكھیں آنسو بہتے جائیں
میرے نبیﷺ سے میرے دل كی بیتا كہتے جائیں
پنچھی بن كر سانجھ سویرے طیبہ نگریاجاؤں
اُڑتے اُڑتے یادِ نبیﷺ میں اپنے پَرپھیلاؤں
اسلم فیضی
Comments
Post a Comment