منتخب اشعار

حادثے سے بڑا سانحہ یہ ہوا

لوگ ٹھہرے نہیں حادثہ دیکھ کر

پروفیسر عنایت علی خان

شعر لوگوں کے بہت یاد ہیں اوروں کے لیے

تُو ملے تو میں تجھے شعر سناؤں اپنے

انور مسعود

دولت سے محبت تو نہیں تھی مجھے لیکن

بچوں نے کھلونوں کی طرف دیکھ لیا تھا

منور رانا

سیرت نہ ہو تو عارض و رخسار سب غلط

خوشبو اڑی تو پھول فقط رنگ رہ گیا

شاعر: ظہیر کاشمیری

ساری حسوں کی ڈور سماعت کو سونپ کر 

اس دل پہ کان رکھ کہ خدا بولتا بھی ہے 

حارث بلال

تمام رات نہایا تھا شہر بارش میں 

وہ رنگ اتر ہی گئے جو اترنے والے تھے 

جمال احسانی