ملا کر خاک میں بھی ہائے شرم اُنکی نہیں جاتی

ملا کر خاک میں بھی ہائے شرم اُنکی نہیں جاتی

نگہ نیچی کیئے وہ سامنے مدفن کے بیٹھے ہیں

بڑے ہی قدر داں کانٹے ہیں صحرائے مُحبت کے

کہیں گاہک گریباں کے، کہیں دامن کے بیٹھے ہیں

وہ آمادہ سنورنے پر، ہم آمادہ ہیں مرنے پر

اُدھر وہ بن کے بیٹھے ہیں، اِدھر ہم تن کے بیٹھے ہیں

امیر ، اچھی غزل ہے داغ کی، جسکا یہ مصرع ہے،

بھنویں تنتی ہیں، خنجر ہاتھ میں ہے تن کے بیٹھے ہیں

امیر مینائی ۔