آج ہم اپنی دعاؤں کا اثر دیکھیں گے

آج ہم اپنی دعاؤں کا اثر دیکھیں گے
تیرِ نظر دیکھیں گے زخمِ جگر دیکھیں گے

آپ تو آنکھ ملاتے ہوئے شرماتے ہیں
آپ تو دل کے دھڑکنے سے بھی ڈر جاتے ہیں
پھر بھی یہ ضد ہے کہ زخمِ جگر دیکھیں گے

پیار کرنا دلِ بے تاب! بُرا ہوتا ہے
سنتے آئے ہیں کہ یہ خواب بُرا ہوتا ہے
آج اس خواب کی تعبیر مگر دیکھیں گے

جان لیوا ہے محبت کا سماں آج کی رات
شمع ہو جائے گی جل جل کے دھواں آج کی رات
آج کی رات بچیں گے تو سحر دیکھیں گے

تیرِ نظر دیکھیں گے زخمِ جگر دیکھیں گے
آج ہم اپنی دعاؤں کا اثر دیکھیں گے

کیف بھوپالی