بے تاب آفتاب ہے تجھ مکھ کی تاب کا
بے تاب آفتاب ہے تجھ مکھ کی تاب کا
پیاسا ہے اِس جہاں میں ترے لب کے آب کا
تجھ مکھ کی آب و زلف کی مو جاں کو دیکھنے
سب تن نین ہوا ہے سو جل پر حباب کا
تجھ حسن انتخاب کا لکھتے تھے جب حساب
موہوم یک نقط ہے سُرج اس حساب کا
ہے مدرسے میں چرخ کے خورشید فیض بخش
جب سوں لیا ہے درس تری مکھ کتاب کا
مجلس ہے گرم چرخ کی تجھ آفتاب سوں
خالی ہے جام سرد اُپر ماہتاب کا
تجھ شوق سوں مدام لبالب ہے جام نین
شیشے میں دل کے جوش ہے نت اُس شراب کا
مجھ شعر کی روانی سنیا جب سوں اے ولیؔ
نم ناک ہے تدھاں ستی دامن سحاب کا
ولی دکنی
Comments
Post a Comment