اپنے ہی شب و روز میں آباد رہا کر​

اپنے ہی شب و روز میں آباد رہا کر​

ھم لوگ بُرے لوگ ہیں ھم سے نہ مِلا کر​

​شاید کِسی آواز کی خوشبُو نظر آئے​

آنکھیں ہیں تو خوابوں کی تمنّا بھی کِیا کر​

​باتوں کے لیے شِکوَہِ موسم ہی بہت ھے

کُچھ اور کِسی سے نہ کہا کر نہ سُنا کر​

​سونے دے اِنہیں رنگ جو سوئے ہیں بدن میں​

آوارہ ہواؤں کو نہ محسُوس کِیا کر​

​تُو صُبحِ بہاراں کا حسین خواب ھے پِھر بھی​

آہستہ ذرا اوس کی بُوندوں پہ چلا کر​

رئیس فروغ