تجھے خبر ھو تو بول اے مرے ستارہ شب

تجھے خبر ھو تو بول اے مرے ستارہِ شب

مری سمجھ میں تو آتا نہیں اِشارہِ شب

اُسے مَیں ایک مُسلسل چراغ کر دیتا

مری گرفت میں ھوتا جو استعارہِ شب

مَیں اِک چراغ کہاں تک مزاحمت کرتا

مرے خلاف تھا کتنا بڑا اِدارہِ شب

بہت سے چاند ، بہت سے چراغ کم نکلے

بنانے بیٹھا جو مَیں رات گوشوارہِ شب

کسی بھی صبح کا مرھم اثر نہیں کرتا

کہ ھر سحر ھے یہاں دوسرا کنارہِ شب

فرحت احساس