انور مسعود مزاحیہ پنجابی شاعری

جا تیری کھکڑی پھکی نکلے تے کھیرا نکلے کوڑا 

رب کرے تینوں کھانا پے جائے ڈاڈا گرم پکوڑا

رب کرے تیرے پنڈے اتے ڈھلے پے جان کپڑے 

کھرک وی تینو اتھے ہو جائے جتھے ہتھ نااپڑے

اک مکے تے پے جائے تینو ہور اک نویں پسوڑی

شالا تینو ستے پئے نو لڑ جائے کوئی تموڑی

مچھر تینو گھیرا پاون جتھے ڈانویں منجی

بھور جاون اودے تندے تیری کنگھی ہو جائے گنجی

ککڑی تیری کڑک ملے تے کڑک وی لمبا سارا 

کھنڈ پلیکھے لونڑ پوے تیری چاء وچ چوکھا سارا

رب کرے تینو خاباں اندری آون نظر بڈاوے

بجلی تیری بند رہوے پر بل بجلی دا آوے

انور مسعود