غم سے بہل رہے ہیں آپ ، آپ بہت عجیب ہیں

غم سے بہل رہے ہیں آپ ، آپ بہت عجیب ہیں

 درد میں ڈھل رھے ھیں آپ ، آپ بہت عجیب ہیں

سایۂ وصل کب سے ھے ، آپ کا منتظر مگر

 ھجر میں جل رھے ھیں آپ ، آپ بہت عجیب ہیں

اپنے خلاف فیصلہ خود ھی لکھا ھے ، آپ نے

 ہاتھ بھی مَل رھے ھیں آپ ، آپ بہت عجیب ہیں

وقت نے آرزو کی لَو دیر ھُوئی بجھا بھی دی

 اب بھی پگھل رھے ھیں آپ ، آپ بہت عجیب ھیں

زحمتِ ضربتِ دگر دوست کو دیجیے نہیں

 گر کے سنبھل رھے ھیں آپ ، آپ بہت عجیب ھیں

دائرہ دار ھی تو ھیں عشق کے راستے تمام

 راہ بدل رھے ھیں آپ ، آپ بہت عجیب ھیں

دشت کی ساری رونقیں ، خیر سے گھر میں ھیں تو کیوں ؟؟

 گھر سے نکل رھے ھیں آپ ، آپ بہت عجیب ھیں

اپنی تلاش کا سفر ختم بھی کیجیے کبھی

 خواب میں چل رھے ھیں آپ ، آپ بہت عجیب ھیں

ڈاکٹر پیرزادہ قاسم