دل ربا آیا نظر میں آج میری خوش ادا

دل رُبا آیا نظر میں آج میری خوش ادا

خوش ادا ایسا نئیں دیکھا ہوں دوجا دلربا

 بے وفا گر تجھ کوں بولوں ہے بجا اے نازنین

نازنین عالم منیں ہوتے ہیں اکثر بے وفا

کم نما ہے نوجواں میرا بہ رنگ ماہ نو

ماہ نو ہوتا ہے اکثر اے عزیزاں کم نما

مدعائے عاشقاں ہر آن ہے دیدار یار

یار کے دیدار بن دوجا عبث ہے مدّعا

کیمیا عاشق کے حق میں ہے نگاہ گل رُخاں

گل رخاں سوں جگ میں پایا ہوں ولیؔ یہ کیمیا

ولی دکنی