ترا غرور مری عاجزی ہے کتنی دیر
ترا غرور مری عاجزی ہے کتنی دیر
بذات خود یہ حسیں زندگی ہے کتنی دیر
چراغِ راہگزر سے ہوا نے ہر لمحہ
یہی کہا ہے تری روشنی ہے کتنی دیر
بس ایک لمس ہی کافی ہر اک تباہی کو
مزاجِ غنچہ ہوا پوچھتی ہے کتنی دیر
یہ رت جگے بھی وراثت ہیں اگلی نسلوں کو
ہر ایک آنکھ یہاں جاگتی ہے کتنی دیر
ہر اختتام سفر جسم وجاں کوتوڑتاہے
تھکن دلوں کوسکوں بانٹتی ہے کتنی دیر
بس ایک وہم کا منظر ہے ساری آنکھوں میں
نظر کسی کویہاں دیکھتی ہے کتنی دیر
اسعد بدایونی
Comments
Post a Comment