ممتاز گورمانی ، نیند جھولی میں لئے وصل گھڑی آتی ہے

نیند جھولی میں لئے وصل گھڑی آتی ہے

یعنی خوابوں میں میرے اب بھی کوئی آتی ہے

عشق تو خیر، نہ پہلا تھا نہ دوجا تجھ سے

پھر بھی اے دوست تری یاد بڑی آتی ہے

اس نے یہ کہہ کے ہم ایسوں کی زباں بندی کی

بحث کرنے سے محبت میں کمی آتی ہے

وہ مجھے چھوڑ تو سکتا ہے مگر جانتا ہے 

دھوپ میں لی گئی تصویر بری آتی ہے

پہلے ہم دھیان سے چلتے ہیں زمیں پر برسوں

تب کہیں جا کے یہ بے راہ روی آتی ہے

میں اسے توڑ کے بس جان بچا لوں اپنی؟

وہ روایت جو زمانے سے چلی آتی ہے

اک ترا غم ہے کہ تنہا نہیں ہونے دیتا 

اک تری یاد ہے سکھیوں میں گھری آتی ہے

ممتاز گورمانی

۔۔

Neend jholi mein liay wasl gharri aati hai

Yani khwaboon mein meray ab b koi aati hai

.

Ishq to khair, na pehla tha na dooja tujh se

Phir b aye dost teri yaad brri aati hai

.

Us ne ye keh k hm aisoon ki zubaaN bndi ki

Behs krnay se muhabat mein kami aati hai

.

Wo mujhay chorr to skta hai magar jaanta hai

Dhoop mein li gai tasweer buri aati hai

.

Pehla hm dhyaan se chltay hain zameeN pr brsooN

Tb kahien ja k ye be raah ravi aati hai

.

Main isay torr k bus jaan bchaa loon apni?

Wo riwaayat jo zamaanay se chli aati hai

.

Ik Tera gham hai k tanha nahi honay daita

Ik teri yaad hai, skhyoon mein ghiri aati hai.

Mumtaz Gurmani