نہ دل کا اذن نہ دلدار کی اجازت ہے

نہ دل کا اذن نہ دلدار کی اجازت ہے
وگرنہ دین میں تو چار کی اجازت ہے

یہ شاہراہِ محبت ہے، دھیرے دھیرے چل
یہاں بس اِتنی ہی رفتار کی اجازت ہے

لکھا ہوا تھا کسی جلوہ گاہ کے در پر
تمام اندھوں کو دیدار کی اجازت ہے

وہ میرے ھونٹوں کو سی کر مُجھی سے کہنے لگا
کہ بول ! اب تجھے گُفتار کی اجازت ہے

یہ بارگاہِ محبت ھے، شور و غُل نہ کرو
مُجھے نہ روکو، مُجھے یار کی اجازت ہے

ہمارے شہر میں ہے منع عشق کا اظہار
یہ اور بات کہ اشعار کی اجازت ہے

کوئی بھی بیٹھ نہیں سکتا سائے میں فارس
بس اک فقیر کو دیوار کی اجازت ہے

رحمان فارس

Na Dil Ka Izn Na Dildaar Ki Ijaazat Hey
Wagarna Deen Mei’n To Chaar Ki Ijaazat Hey

Yeh Shaah’raah-e-Muhabbat Hey, Dheerey Dheerey Chal
Yaha’n Bas Itni Hi Raftaar Ki Ijaazat Hey

Likha Hua Tha Kisi Jalwa-Gaah Key Dar Per
Tmaam Andho’n Ko Deedaar Ki Ijaazat Hey

Wo Merey Honto’n Ko Si Ker Mujhi Sey Kehney Laga
K Bol, Ab Tujhey Guftaar Ki Ijaazat Hey

Yeh Baar’gaah-e-Muhabbat Hey, Shor-o-Ghul Na Karo
Mujhey Na Roko, Mujhey Yaar Ki Ijaazat Hey

Hmaarey Shehr Mei’n Hey Mn’aa Ishq Ka Izhaar
Yeh Aur Baat K Ash’aar Ki Ijaazat Hey

Koi Bhi Beth Nahi’n Sakta Saaey Mei’n Faris
Bas Ik Faqeer Ko Deevaar Ki Ijaazat Hey

#RehmanFaris