آئیے آوارگاں خوش آمدید

آئیے آوارگاں !! خوش آمدید
دشت ، یعنی میرے ہاں خوش آمدید

اے چراغ  خطۂ نا مہرباں
چشم _ ما روشن ، میاں !! خوش آمدید

اس سے اگلا موڑ ہجر آباد ہے
ٹوٹ خستہ آسماں ، خوش آمدید

یار اس تضحیک کو تعمیر جان
کہہ فلاں ابن  فلاں خوش آمدید

روح پھسلی سانس کی ڈوری سے اور
چیخ اٹّھے رفتگاں خوش آمدید

ہم بھی آئے تھے بھٹک کر اس طرف
ہمرہان _ گمرہاں ، خوش آمدید

لوٹ آئی ہے تو آ سینے سے لگ
اے دعائے رائيگاں ، خوش آمید

آخری خطبہ ہے صحرا میں مرا
عرصۂ آئيندگاں، خوش آمدید

اب گزشتہ رنج سے دل بھر گیا
اب لکھا جائے یہاں ، خوش آمدید

احمد کامران