آنکھوں میں کل کے خواب ہیں ، خوش خواب تتلیاں
آنکھوں میں کل کے خواب ہیں ، خوش خواب تتلیاں
چندا سے پیار کرتی ہیں ، مہتاب تتلیاں
جب حُسن کے صحیفے میں لکھا تمہارا نام
پھول اُس پہ نقطے بن گئے ، اِعراب تتلیاں
رمزِ چمن سمجھنی ہو ، آنکھوں پہ آنکھ رکھ
پلکیں جھکا کے کرتی ہیں ، آداب تتلیاں
مٹھی میں نہ جکڑنا اِنہیں کھیل کھیل میں
ٹوٹے پروں کی لاتی نہیں تاب تتلیاں
لکھی ہے قیسؔ نے کسی معصوم پر کتاب
پڑھ پڑھ کے جھومنے لگیں ہر باب تتلیاں
شہزاد قیس
Comments
Post a Comment