ناز قادری منتخب نعتیہ اشعار

رُخ ہوائوں کا کون بدلے ہے
یہ اشارے کہاں سے آئے ہیں
۔۔
رحمت کو جوش آہی گیا دیکھ کر مجھے
عاصی تو ہے ضرور، مگر شرمسار ہے
۔۔۔
مجھ سے ہوئیں خطائیں یکے بعد دیگرے
لیکن کمی نہ آئی تیرے التفات میں
۔۔۔
جبریل کی جس حد سے نہیں آگے رسائی
اس حد سے بھی آگے مرے آقا کا گذر ہے
۔۔۔
نیند آئے نہ مجھے اور نہ جھپکیں پلکیں
مسجد نبوی سے جب گنبد خضریٰ دیکھوں
۔۔۔
جو شفیع المذنبیں ہیں، وہ پیمبر آپ ہیں
جن کی مانے گا سفارش رب اکبر، آپ ہیں
ناز قادری