یاد کرنا ہر گھڑی اس یار کا

یاد کرنا ہر گھڑی اس یار کا

ہے وظیفہ مجھ دلِ بیمار کا

 آرزوئے چشمۂ کوثر نئیں

تشنہ لب ہوں شربت دیدار کا

عاقبت کیا ہووے گا، معلوم نئیں

دل ہوا ہے مبتلا دل دار کا

کیا کہے تعریف دل، ہے بے نظیر

حرف حرف اس مخزن اسرار کا

گر ہوا ہے طالب آزادگی

بند مت ہو سُبحہ و زنار کا

مسند گل منزل شبنم ہوئی

دیکھ رتبہ دیدۂ بیدار کا

اے ولیؔ ہونا سری جن پر نثار

مدّعا ہے چشم گوہر بار کا

ولی دکنی