چاک پر میں نے جو اک نقش ابھارا ہے میاں​

چاک پر میں نے جو اک نقش ابھارا ہے میاں​

یہ مرے خاک میں ملنے کا اشارہ ہے میاں​

​

عشق میں نام کمایا ہے گنوا کر خود کو​

سود کا سود، خسارے کا خسارہ ہے میاں​

​

تو مرے صبر کا اندازہ لگا سکتا ہے​

تیری صحبت میں ترا ہجر گزارہ ہے میاں​

​

میں ترے ہاتھ پہ بیعت نہیں کرسکتا ابھی​

میرے اک ہاتھ میں دنیا کا کنارہ ہے میاں​

​

اب کے دشمن سے نہیں، خود سے بچانا ہے مجھے​

میں نے میدان نہیں، حوصلہ ہارا ہے میاں​

انجم سلیمی