آنکھ کا رِزق نہ جب آنکھ کے گھر تک پہنچے
محمد سلیم طاہر
آنکھ کا رِزق نہ جب آنکھ کے گھر تک پہنچے
کیسے دیوانہ کوئی پھر تِرے در تک پہنچے
مِرے آڑے مِری کم مائیگی آ جاتی ھے
کیا اُڑوں جب مِری پرواز نہ پَر تک پہنچے
کوئی آہٹ مِری دہلیز نہ چُھو کر گُزری
کِتنے سائے مِری دیوار سے دَر تک پہنچے
یہ بھی مُمکن ھے تِرا نام و نشاں تک نہ رھے
اِس سے پہلے کہ یہ پانی مِرے سر تک پہنچے
میں خدوخال کو دُوں گا لب و لہجہ، طاہر!
کوئی پتھر تو مِرے دستِ ھُنر تک پہنچے
Comments
Post a Comment