غم سے لِپٹ ہی جائیں گے ایسے بھی ہم نہیں

غم سے لِپٹ ھی جائیں گے ایسے بھی ھم نہیں

دُنیا سے کٹ ھی جائیں گے ایسے بھی ھم نہیں

دِن رات بانٹتے ھیں ہمِیں مُختلِف خیال

یوں اِن میں بٹ ھی جائیں گے ایسے بھی ھم نہیں

اِتنے سوال دِل میں ھیں اور وہ خموش در

اِس در سے ھٹ ھی جائیں گے ایسے بھی ھم نہیں

ھم ھیں مثالِ ابر مگر اِس ہَوا سے ھم

ڈر کر سِمٹ ھی جائیں گے ایسے بھی ھم نہیں

ھیں سختیِ سفر سے بہت تنگ پر منیرؔ

گھر کو پلٹ ھی جائیں گے ایسے بھی ہم نہیں