میاں ظرف اسمان دا تولن چاہندے ہن
میاں ! ظرف اسمان دا تولݨ چاہندے ہِن
جیہڑے لوک زمین پھرولݨ چاہندے ہِن
جیکر جان امان ء چ ہووے ہر کہیں دی
لوک اساݙے حق ءچ ٻولݨ ڄاہندے ہِن
میݙے یار سلامت رہون ہُݨ میکوں
ڳول گھنݨ دی سِک ءچ رولݨ چاہندے ہِن
چندر ، مریخ یا سورج منزل نئیں کہیں دی
بندے شیت خدا کوں ڳولݨ چاہندے ہِن
ہر عاشق کوں اصغر آہدن لوک جیہڑے
ہر ڈھولݨ دے ڳل وچ ڈھولݨ چاہندے ہِن
اصغر گورمانی
Comments
Post a Comment