کہیں دے آکھے خراب تھیندے تاں تھیندا راہوے
کہیں دے آکھے خراب تھیندے تاں تھیندا راہوے
کہیں دا وچھڑن عذاب تھیندے تاں تھیندا راہوے
میں اپنڑا رستہ وٹا گھناں میکوں اینجھا سمجھے ؟
ایہہ بنڑدے تھل یا چناب تھیندے تاں تھیندا راہوے
میں اپنڑی وستی دے اُچے شملے دا مانڑ ہامی
اوہ لاڈلا ہے ، نواب تھیندے تاں تھیندا راہوے
ایہہ ڈکھ نہ تھیسیں کہ گالھ دل دی رئی ہے دل اچ
سوال کیتم ، جواب تھیندے تاں تھیندا راہوے
پُرانڑے زخماں کوں آپ چھیڑِم ، ڈُکھایا ہامی
ولا ایہہ جیونڑ عتاب تھیندے تاں تھیندا راہوے
خدا دے لوکیں ذلیل کیتے ڈسیساں اوں کوں
زمیں تے اج ول حساب تھیندے تاں تھیندا راہوے
کومل جوئیہ
Comments
Post a Comment