مینوں تے میرے دوستا میرے غم نے ماریا اے

مینُوں تے میرے دوستا میرے غم نے ماریا اے

ہے جُھوٹھ تیری دوستی دے دم نے ماریا اے

 مینُوں تے جیٹھ ہاڑ تے کوئی نہیں گِلہ

میرے چمن نُوں چیت دی شبنم نے ماریا اے

مسیا دی کالی رات دا کوئی نہیں قصور

ساگر نُوں اوہدی اپنی پونم نے ماریا اے 

ایہہ کون ہے جو موت نوں بدنام کر رہیائے

انسان نُوں انسان دے جنم نے ماریائے

چڑھیا سی جہڑا سُورجا، ڈُبنا سی اوس ضرور

کوئی جُھوٹھ کہہ رہیا اے کہ پچھم نے ماریااے 

منیا کہ مویاں مِتراں دا غم وی ماردائے

بوہتا پر دکھاوے دے ماتم نے ماریا اے 

قاتل کوئی دُشمن نہیں میں ٹھیک آکھداں

شِوؔ نوں تاں شِوؔ دے اپنے محرم نے ماریا اے

شو کمار بٹالوی