دل چھُٹ کے جاں سے گور کی منزل میں رہ گیا

دل چھُٹ کے جاں سے گور کی منزل میں رہ گیا

کیسا رفیق ساتھ سے مشکل میں رہ گیا

آےٓ بھی لوگ بیٹھے بھی اُٹھ بھی کھڑے ہوےٓ

میں جا ہی ڈھونڈھتا تری محفل میں رہ گیا

ناقص ہے دوستداری میں کامل نہیں ہے تو

دشمن سے بھی غبار اگر دِل میں رہ گیا

قاتل سنبھل کے تیغ لگا جاےٓ شرم ہے

تسمہ لگا جو گردن بسمل میں رہ گیا

آزادی سے زیادہ اسیری میں لطف ہے

دِل مرغِ رُوح کا قفس گل میں رہ گیا

سبقت جو زندگی میں سکندر سے کی تو کیا

اَے خضر پیچھے مرگ کی منزل میں رہ گیا

مجنوں برہنہ کرتا اُسے اپنی طرح سے

لیلےٰ کا پردہ پردہٓ محمل میں رہ گیا

پار اُترا جو کہ غرق ہوا بحر عشق میں

وہ داغ ہے جو دامنِ ساحل میں رہ گیا

کافر ہے منکر اُس کی کریمی کی شان کا

خالی پیالہ کب کفِ سائل میں رہ گیا

آتشؔ کو دَستِ تیغ سے ممکن ہوا نہ زخم

بیچارہ مر کے حسرت قاتل میں رہ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کلام ۔ خواجہ حیدر علی آتش