جان نگاہ و روح تمنا چلی گئی

جانِ نگاہ و روحِ تمنّا چلی گئی 

اے نجدِ آرزو میری لیلیٰ چلی گئی

رخصت ہوئی دیار سے اک نازشِ دیار 

صحرا سے اک غزالہِ صحرا چلی گئی

برباد ہو گئی مری دنیا ئے جستجو 

دنیا ئے جستجو ، مری دنیا چلی گئی

کس سے کہوں کہ اک سراپا وفا مجھے 

تنہائیوں میں چھوڑ کر تنہا چلی گئی

نورِ جہانِ شعر نے سب کچھ بھلا دیا 

زیب النسائے نظمِ معلی چلی گئی

کیسے کہوں کہ غمِ الفت فریب تھا 

کیسے یقین کروں کہ زلیخا چلی گئی

اس انجمن سے رقصِ تماشہ طلب نہ کر 

جس انجمن کی انجمن آرا چلی گئی

جون ایلیاء