یقیں سے دور ، اسیرِ گماں نظر آتے

یقیں سے دور ، اسیرِ گماں نظر آتے

اگر نہ ہم کو شہہِ این و آں ؐ نظر آتے

قضا نہ ہوتا جو اک دن ہمارا رقص تو ہم

درونِ مجمعِٔ سیّارگاں نظر آتے

نگاہِ یار کے صدقے ، وہ گر ہماری طرف

نہ دیکھتا تو میاں ہم کہاں نظر آتے

ہمی نے سجدے سے سر کو اٹھا لیا ورنہ

یہاں پہ رہتے ہوئے ہم وہاں نظر آتے

نہ توڑ تا مرا سائیں ؐ حدودِ وقت اگر

کسے رموز زمان و مکاں نظر آتے

خدا کا شکر کوئی آئینہ صفت ہے یہاں

ہمارے عیب ہمیں خود کہاں نظر آتے

عارف امام