نہ وی ہوون تاں وی سوھنے لگدے نیں
نہ وی ھوون , تاں وی سوھنے لگدے نیں
کُجھ بندیاں دے , ناں وی سوھنے لگدے نیں
دِل وِچ ھووے , آس کِسے دے آون دی
اودوں کالے کاں وی , سوھنے لگدے نیں
رب دی قسمے , رُکھ سجناں دے ویڑھے دے
دین نہ بھاویں چھاں وی ، سوھنے لگدے نیں
سجناں دے تِل ٹھوڈی تے ، یا بُلہاں تے
ھوون جہڑی تھاں وی ، سوھنے لگدے نیں
کیہ پُچھنا ایں ، سندھو یار پٹولھے جئے
پِھردے ھر اِک تھاں وی ، سوھنے لگدے نیں
"ارشاد سندھو"
Comments
Post a Comment