سلا چکی تھی یہ دنیا تھپک تھپک کے مجھے

سلا چکی تھی یہ دنیا تھپک تھپک کے مجھے
جگا دیا تیری پازیب نے کھنک کھنک کے مجھے

میں جب بھی آپ کی محفل سے اٹھ کے جاتا ہوں
گلے لگاتی ہے دنیا لپک لپک کے مجھے

کوئی بتائے کے میں اسکا کیا علاج کروں
پریشاں کرتا ہے یہ دل دھڑک دھڑک کے مجھے

تعلقات   میں    کیسے  دراڑ پڑتی  ہے
بتا دیا کسی کمظرف نے چھلک کے مجھے

بہت سی نظریں ہماری طرف ہیں محفل میں
اشارہ کر دیا اس نے ذرا سرک کے مجھے

راحت اندوری