ہوا ہے سیر کا مشتاق بے تابی سوں من میرا
ہوا ہے سیر کا مشتاق بے تابی سوں من میرا
چمن میں آج آیا ہے مگر گل پیرہن میرا
مرے دل کی تجلی کیوں رہے پوشیدہ مجلس میں
ضعیفی سوں ہوا ہے پردۂ فانوس تن میرا
نئیں ہے شوق مجھ کوں باغ کی گل گشت کا ہرگز
ہوا ہے جلوہ گر داغاں سوں سینے کا چمن میرا
مُوا ہوں تجھ جدائی کے دُکھوں اے نورعینِ دل
برنگ مردمک انکھیاں کا پردہ ہے کفن میرا
لگے پھیکی نظر میں اے ولیؔ دوکانِ حلوائی
اگر ہو جلوہ گر بازار میں شیریں بچن میرا
ولی دکنی
Comments
Post a Comment