آئے تھے اُن کے ساتھ ، نظارے چلے گئے

آئے تھے اُن کے ساتھ ، نظارے چلے گئے

وہ شب ، وہ چاندنی ، وہ تارے چلے گئے

شاید تمہارے ساتھ بھی ، واپس نہ آ سکیں

وہ ولولے ، جو ساتھ تمہارے چلے گئے

ھر آستاں ، اگرچہ تیرا آستاں نہ تھا

ھر آستاں پہ تُجھ کو پکارے چلے گئے

شامِ وصال ، خانۂ غربت سے رُوٹھ کر

تُم کیا گئے ، نصیب ھمارے چلے گئے

جاتے کہاں ھجومِ حشر میں ھم عاصیاںِ دھر

اے لطفِ یار ، تیرے سہارے چلے گئے

دُشمن گئے ، تو کشمکشِ دوستی ھو گئی

دُشمن گئے ، کہ دوست ھمارے چلے گئے

جاتے ھی اُن کے سیف ، شبِ غم نے آ لیا

رُخصت ھُوا وہ چاند ، ستارے چلے گئے

”سیف الدین سیف“