سب سے اونچی ہے تِری شان مرے پاک وطن

سب سے اونچی ہے تِری شان مرے پاک وطن
تیری عظمت پہ میں قربان مرے پاک وطن
تیرے دریا، تِرے کہسار ، ترے دشت و دمَن
ہیں نئی زیست کا عنوان مرے پاک وطن
تُو سلامت ہے تو پھر موت کا دھڑکا کیا ہے؟
تو مرا جسم، مری جان، مرے پاک وطن،
ساری دنیا میں سر افرازی کے باعث تیری
محو ِ حیرت ہے ہر انسان، مرے پاک وطن،
میری آنکھوں کی چمک میرے دل و جان کی ضَو
تُو بہ ہر رنگ ہے ذی شان مرے پاک وطن

ناصر زیدی