اے گل عذار غنچہ دہن ٹک چمن میں آ
اے گل عذار غنچہ دہن ٹک چمن میں آ
گل سر پہ رکھ کے شمع نمن انجمن میں آ
جیوں طفل اشک بھاگ نکو مجھ نظر ستی
اے نور چشم نور نمط مجھ نین میں آ
کب لگ اپس کے غنچۂ مکھ کو رکھے گا بند
اے نو بہار باغ محبت سخن میں آ
تا گل کے رو سے رنگ اڑے اوس کی نمن
اے آفتابِ حسن ٹک یک تو چمن میں آ
تجھ عشق سوں کیا ولیؔ دل کوں بیت غم
سرعت ستی اے معنیِ بے گانہ من میں آ
ولی دکنی
Comments
Post a Comment