Labels

ایہو کجھ اے ہور اجوکی کیہہ دساں

ایہو کُجھ اے ہور اجوکی کیہہ دساں
مِٹھی چاہ لگدی اے پھوکی کیہہ دساں
شہر نہ چھڈدا اُنج اوہ بھاویں نہ مِلدا
سُندے سار ای جا پئی بوکی کیہہ دساں
ہے اتبار دی بھیڑی عادت میرے وچ
فر اُس ایسی منجی ٹھوکی کیہہ دساں
رات رقیباں وچ ساں, چیتے اُس کیتا
فیر اوہ نِچھ میں کسراں روکی کیہہ دساں
کہندائے بجھو کیہہ اے میرے دل دے وچ
میں بُجھیا تے بل پئے لوکی کیہہ دساں
تجمل کلیم

Labels:

Comments

Post a Comment