ناروا کہیے ناسزا کہیے
ناروا کہیے ناسزا کہیے
کہیے؎کہیے مجھے برا کہیے
تجھ کو بد عہد وبے وفا کہیے
ایسے جھوٹے کو اور کیا کہیے
مجھ کہیے برا نہ غیر کے
جو ہو کہنا جدا جدا کہیے
انتہا عشق کی خدا جانے
دم آخر کو ابتدا کہیے
میرے مطلب سے کیا غرض مطلب
آپ اپنا تو مدعا کہیے
ایسی کشتی کا ڈوبنا اچھا
کہ جو دشمن کو ناخدا کہیے
صبر فرقت میں آہی جاتا ہے
پر اسے دیر آشنا کہیے
آگئی آپ کو مسیحائی
مرنے والے کو مرحبا کہیے
آپ کا خیر خواہ میرے سوا
ہے کوئی اور دوسرا کہیے
ہاتھ رکھ کر وہ اپنے کانوں پر
مجھ سے کہتے ہیں ماجرا کہیے
ہوش جاتے رہے رقیبوں کو
داغ کو اور باوفا کہیے
داغ دہلوی
Comments
Post a Comment