نکے نکے ہتھاں دے جد نال دیہاڑی کردے
نِکے نِکے ہتھاں دے جد نال دیہاڑی کردے
وارا نہیںوں کھاندے بیبا بال دیہاڑی کردی
توں کیہ جانے تیرے کالے بودے دے لئی پُترا
کِنا عرصا رہے نیں چِٹے وال دیہاڑی کردے
کنڈیاں دے گھر کرنی پئے گئی پُھلاں نوں مزدوری
پتھراں دے گھر ویکھے نیں میں لعل دیہاڑی کردے
اَیوں تے نہیں فِر جا کِدھرے ہوندا اے کوئی مصرعا
کِنا چِر نیں رہندے سوچ خیال دیہاڑی کردے
ساڈے لئی تے اوہ دِن سندھو آکے وی نہ آیا
جہڑے دِن لئی رہے ساں کِنے سال دیہاڑی کردے
ارشاد سندھو
Comments
Post a Comment