ﮔﻮ ﺟﻮﺍﻧﯽ ﻣﯿﮟ ﺗﮭﯽ ﮐﺞ ﺭﺍﺋﯽ ﺑﮩﺖ

ﮔﻮ ﺟﻮﺍﻧﯽ ﻣﯿﮟ ﺗﮭﯽ ﮐﺞ ﺭﺍﺋﯽ ﺑﮩﺖ
ﭘﺮ ﺟﻮﺍﻧﯽ ﮨﻢ ﮐﻮ ﯾﺎﺩ ﺁﺋﯽ  ﺑﮩﺖ
زیرِ بُرقع تو نے کیا دِکھلا دیا
جمع ہیں ہر سُو تماشائی  بہت
ہٹ پہ اُس کی اور پس جاتے ہیں دِل
راس ہے کچھ اُس کو خود  رائی بہت
سرو یا گل آنکھ میں جچتے نہیں
دل پہ ہے نقش اس کی رعنائی  بہت
چُور تھا زخموں میں اور کہتا تھا دِل
راحت اِس تکلیف میں پائی  بہت
آ رہی ہے چاہِ یوسف سے صدا
دوست یاں تھوڑے ہیں اور بھائی بہت
جاں نثاری پر وہ بول اُٹھے مری
ہیں فدائی کم تماشائی  بہت
گھٹ گئیں خود تلخیاں ایام کی
یا گئی کچھ بڑھ شکیبائی  بہت
ﻭﺻﻞ ﮐﮯ ﮨﻮ، ﮨﻮ ﮐﮯ ﺳﺎﻣﺎﮞ ﺭﮦ ﮔﺌﮯ
ﻣﯿﻨﮧ ﻧﮧ ﺑﺮﺳﺎ ﺍﻭﺭ ﮔﮭﭩﺎ ﭼﮭﺎﺋﯽ  ﺑﮩﺖ
ﮨﻢ ﻧﮯ ﮨﺮ ﺍﺩﻧﯽٰ ﮐﻮ ﺍﻋﻠﯽٰ ﮐﺮ ﺩﯾﺎ
ﺧﺎﮐﺴﺎﺭﯼ ﺍﭘﻨﯽ ﮐﺎﻡ ﺁﺋﯽ  ﺑﮩﺖ
ﮐﺮ ﺩﯾﺎ ﭼُﭗ ﻭﺍﻗﻌﺎﺕِ ﺩﮨﺮ ﻧﮯ
ﺗﮭﯽ ﮐﺒﮭﯽ ﮨﻢ ﻣﯿﮟ ﺑﮭﯽ ﮔﻮﯾﺎﺋﯽ  ﺑﮩﺖ
ﮨﻢ ﻧﮧ ﮐﮩﺘﮯ ﺗﮭﮯ ﮐﮧ ﺣﺎﻟﯽؔ ﭼﭗ ﺭﮨﻮ
ﺭﺍﺳﺖ ﮔﻮﺋﯽ ﻣﯿﮟ ﮨﮯ ﺭﺳﻮﺍﺋﯽ  ﺑﮩﺖ
ﺍﻟﻄﺎﻑ ﺣﺴﯿﻦ ﺣﺎﻟﯽؔ