بادل کالا کوئل کالی اس سے کالی رات ہے

بادل کالا، کوئل کالی، اس سے کالی رات ہے

اس سے کالی زلف تری جو ساون کی ہمراز ہے

بیلا گورا، جوہی گوری، اس سے گوری چاندنی 

اس سے گورا مکھڑا تیرا جس پہ مجھ کو ناز ہے

امبر نیلا، ساگر نیلا، اس سے نیلا نیل کمل

اس سے نیلی آنکھیں تیری جن میں گہرا راز ہے

سر ہے میٹھا، لے ہے میٹھی، اس سے میٹھی راگنی

اس سے میٹھے ہونٹ ہیں تیرے اور تیری آواز ہے

بادل کالا، کوئل کالی، اس سے کالی رات ہے

اس سے کالی زلف تری جو ساون کی ہمراز ہے

نقش لائلپوری