یاد کرنا ہر گھڑی اس یار کا
یاد کرنا ہر گھڑی اس یار کا
ہے وظیفہ مجھ دل بیمار کا
آرزوئے چشمہ کوثر نہیں
تشنہ لب ہوں شربت دیدار کا
عاقبت کیا ہووے گا معلوم نئیں
دل ہوا ہے مبتلا دلدار کا
کیا کہے تعریف دل ہے بے نظیر
حرف حرف اس مخزن اسرار کا
گر ہوا ہے طالب آزادگی
بندہ مت ہو سبحہ و زنار کا
مسند گل منزل شبنم ہوئی
دیکھ رتبہ دیدہ بیدار کا
اے ولی ہونا سری جن پر نثار
مدعا ہے چشم گوہر بار کا
ولی دکنی
===============
مجھ دل بیمار = میرے دل بیمار
نئیں = نہیں
دری جن = محبوب
Comments
Post a Comment