پنجابی نظم

ککھ دے دکھ

پنڈ دی ککھ وچ پینڈا پھلیا

تے پینڈے وچ دکھ

پنڈے دے وچ بھکھ دے ڈیرے

ویہڑے دے وچ رکھ

رکھ دی چھاویں بھکھے بیٹھے

تے رج پھرولے دکھ

کڑیاں چڑیاں ہس ہس کر لئے

نیلے پیلے مکھ

راوی چڑھ گئی راوی لیہہ گئی

وسوں بن گئی بن کے ڈھیہہ گئی

پتن وسے بیلے وسے

ہس ہس روئے رو رو ہسے

ہسدیاں ہسدیاں جھڑیاں لگیاں

لگیاں تے مڑ بڑیاں لگیاں

کندھاں ڈھٹھیاں کوٹھے چوئے

دیس چھٹے پردیسی ہوئے

ککھ دے دکھ مڑ نویں نروئے

انور زاہد