اشعار

دلِ شکستہ سے یُوں جارہی ہے اُن کی یاد

مکیں کو جیسے ہو ٹُوٹے ہوئے مکاں سے گریز

استاد قمر جلالوی

۔۔۔

چلمن ہٹا کے اپنے فقیروں کو بھیک دے 

 در پر کھڑے ہیں آنکھ کا کاسہ لئے ہوئے

افتخار شاہد

۔۔۔

ارماں تمام عمر کے سینے میں دفن ہیں

ہم چلتے پھرتے لوگ مزاروں سے کم نہیں

 نواب مصطفٰی خان شیفتہ

۔۔۔

میرے پہلو میں وہ آیا بھی تو خوشبو کی طرح

 میں اسے جتنا سمیٹوں وہ بکھرتا جائے

عالم تاب تشنہ

۔۔۔۔

کاش میں تجھ پہ ریا ضی کےسوالوں کی طرح

 خود کو تقسیم کروں ، کچھ بھی نہ حاصل آئے

جمال احسانی

۔۔۔۔۔

بند کمرے میں ترا درد نہ بجھ جائے کہیں

کھڑکیاں کھول کہ یہ آگ ہوا چاہتی ہے

 فہیم جوگا پوری

۔۔۔

اے دل تمام نفع ہے سودائے عشق میں

 اک جان کا زیاں ہے سو ایسا زیاں نہیں

مفتی صدرالدین آزردہ

۔۔۔

وہ بزم دیکھی ہے میری نِگاہ نے کہ جہاں

 بغیر شمع بھی ، جلتے رہے ہیں پروانے

مِرے ندیم ! تِری چشم ِ اِلتفات کی خیر

 بگڑ بگڑ کے سنورتے گئے ہیں افسانے

صوفی غلام مصطفیٰ تبسم

۔۔۔۔

دو اجازت تو کلیجے سے لگا لوں رخسار

 سینک لُوں چوٹ جِگر کی اِنہِیں انگاروں پر

آغا شاعرؔ قزلباش

۔۔۔

اب کے اُس بزم میں ، کچھ اپنا پتہ بھی دینا

 پاؤں پر پاؤں جو رکھنا ، تو دَبا بھی دینا

"ظفر اقبال"

۔۔۔۔

یونہی اگر محبت وہ روٹھ کرکر یں گے

اتنے حسین دن ہم کیسے بسر کریں گے

حسن عباسی