اس جور و جفا پر بھی بدظن نہیں ہم تجھ سے

اس جور و جفا پر بھی بدظن نہیں ہم تجھ سے

کیا طرفہ تمنّا ہے  امیدِ کرم تجھ سے

 

امّیدِ نوازش میں کیوں جیتے تھے ہم آخر

سہتے ہی نہیں کوئی جب درد و الم تجھ سے

 

وارفتگئ دل ہے یا دستِ تصرّف ہے

ہیں اپنے تخیّل میں دن رات بہم تجھ سے

 

یہ جور و جفا سہنا پھر ترکِ وفا کرنا

اے ہرزہ پـژوہی بس  عاجز ہوۓ ہم تجھ سے

 

غالبؔ کی وفا کیشی اور تیری ستم رانی

مشہورِ  زمانہ ہے اب کیا کہیں ہم تجھ سے

 

(مرزا غالب)