آخر اوہ اپنی عادتوں مجبور ہو گیا

آخر اوہ اپنی عادتوں مجبور ہو گیا
پرچھاویں وانگ رہ کے وی اوہ دور ہوگیا
ہن کیہہ کہواں میں اوس دے نازک مزاج نوں
شیشہ تے یاد آیا جدوں چُور ہو گیا
نیکی تے خیرکیہہ اے اوہ بخشے گاویکھنا
میرا کوئی گناہ وی جے منظور ہو گیا
کاغذ سی اوہ سی میں تے وچالے ساں دوستو
وچکار میں تے ایویں ای مشہور ہو گیا
تینوں کلیم کیتا اے بُلھے دے فیض نے
جتھے وی پیر رکھیں سمجھ طور ہوگیا
تجمل کلیم